Përfaqësuesi i Bashkimit Evropian për dialogun Kosovë-Serbi, Miroslav Lajçak, ka njoftuar për takimin e tij me sekretarin e përgjithshëm të Kombeve të Bashkuara, Antonio Guterres, me të cilin kanë diskutuar rreth normalizimit të marrëdhënieve Kosovë-Serbi, njofton Insajderi.
Lajmin për këtë takim e ka bërë të ditur vetë Lajçak, me anë të një postimi në llogarinë e tij në Twitter.
“Shumë i lumtur që u takova me sekretarin e përgjithshëm të Kombeve të Bashkuara gjatë vizitës së tij në Bruksel sot”, ka shkruar ai.
“Ne folëm për angazhimin e BE-së në Ballkanin Perëndimor, dhe në veçanti për dialogun për normalizimin e marrëdhënieve midis Kosovës dhe Serbisë”. /Insajderi.com
Very happy to meet with @UN Secretary-General @antonioguterres during his visit to Brussels today. We spoke about the EU engagement in the Western Balkans, and in particular about the Dialogue on normalisation of relations between Kosovo and Serbia. pic.twitter.com/3L8vTKwiVA
— Miroslav Lajčák (@MiroslavLajcak) June 25, 2021
