Një autobus nga Struga i cili po udhëtonte nga Gjermania drejt Maqedonisë së Veriut është përplasur në një autostradë pranë Nova Gradishkas të Kroacisë, transmeton Insajderi.
Thuhet se autobusi me udhëtarë u përplas në rrethojat e autostradës sot (17 korrik 2021) rreth orës 05:00 të mëngjesit.
Sipas mërgimtarëve, shoferin e autobusit e kishte zënë gjumi.
Siç raporton ‘Albinfo.ch’ nga kjo përplasje disa mërgimtarë kanë pësuar lëndime të lehta, ndërkohë që autobusi është dëmtuar në masë të madhe.
“Zoti i madh me pak lëndime e me shumë dëme materiale të autobusit nga Struga. Ngjarja ndodhi në ora 5h të mëngjesit afër Nova Gradishka në drejtim të Maqedonisë së Veriut”, deklaron për Neës-TV mërgimtari Sadri Osmani nga Çegrani i Gostivarit.
Ai ka treguar se atyre iu ka siguruar një autobus tjetër dhe tani po bëhen gati për tu nisur drejt vendlindjes./Insajderi.com
