Ambasada e Shteteve të Bashkuara të Amerikës në Kosovë, vlerëson se është koha që Kosova dhe Serbia “ta rifillojnë me zell dialogun”.
“Prania e KFOR-it është e përkohshme, brenda dy javësh presim që operacionet kufitare të kthehen në normale. Është koha për të punuar mbi këtë momentum dhe për ta rifilluar me zell dialogun”, ka shkruar Goacobbe në Twitter.
Ndryshe, pas disa ditësh tensione, të enjten janë zhbllokuar rrugët në Jarinjë dhe Bërnjak. Në këtë mënyrë është përmbushur pika e parë e marrëveshjes së nënshkruar mes Kosovës dhe Serbisë në Bruksel lidhur me çështjen e targave./Insajderi.com
