Gjykata Themelore në Prishtinë i ka caktuar masën e paraburgimit prej një muaji të akuzuarit F.B., i cili sulmoi fizikisht një grua në një market në Prishtinë, përcjell Insajderi.com.
Përmes njoftimit, Gjykata bëri të ditur se ka aprovuar propozimin e prokurorit të shtetit për ekzaminim psikiatrik ndaj të pandehurit.
Po ashtu, Gjykata ka njoftuar se kundër këtij aktvendimi, palët kanë të drejtë ankese në Gjykatën e Apelit të Kosovës.
Ndërkaq, pamjet ku shihet personi duke sulmuar viktimë në një market në Prishtinë janë publikuar mbrëmjen e së hënës në media.
Ai shihet në një market, i shoqëruar nga bashkëshortja e tij dhe dy fëmijët .
Në pamjet e publikuara, i dyshuari fillon të ushtrojë dhunë fizike ndaj viktimës e cila po ashtu ishte duke blerë ushqim./Insajdericom
