Delegacioni serb ka përfunduar bisedimet me Përfaqësuesin Special të Bashkimit Evropian për dialogun Kosovë-Serbi, Miroslav Lajçak, në Bruksel.
Bisedimet që po mbahen në ndërtesën e Shërbimit Evropian për Veprim të Jashtëm (EEAS) në Bruksel do të vazhdojnë pasdite, por priten informacione se në çfarë formati do të zhvillohen, gjegjësisht nëse përfaqësuesit e Beogradit dhe Prishtinës do të jenë në të njëjtën tryezë.
Takimi i delegacionit të Beogradit të kryesuar nga drejtori I të ashtuquajturës Zyrë për Kosovën në Qeverinë e Serbisë, Petar Petkoviq, me Lajçakun ka zgjatur një orë më shumë se sa ishte planifikuar.
Sipas mediave serbe, në këtë takim është konfirmuar se hapat për formimin e Asociaonit të Komunave me Shumicë Serbe në Kosovë ishin çështja e parë, si “çështja e të gjitha çështjeve”, transmeton Shqip.com.
Në të njëjtën kohë u diskutuan tema të tjera urgjente, energjia, drejtësia, çështja e personave të pagjetur, liria e lëvizjes.
“Ne kemi ardhur për të biseduar dhe jemi absolutisht të gatshëm të bisedojmë me Prishtinën. Kjo është arsyeja pse ne jemi këtu. Tani konstruktiviteti i tyre është në gjyq, dhe nëse bisedimet e drejtpërdrejta do të zhvillohen tani varet ekskluzivisht nga Prishtina”.
Ne erdhëm në Bruksel pas thirrjes së BE-së për të diskutuar për formimin e Bashkësisë së Komunave Serbe (CSM), siç është paralajmëruar në deklaratën e BE-së të 30 shtatorit”, thuhet në deklaratën e delegacionit të Beogradit./Insajderi.com
