Shqipëria i del në ndihmë Kosovës, e furnizon me rrymë në ndërrimin e motmoteve

Insajderi

Shqipëria i del në ndihmë Kosovës, e furnizon me rrymë në ndërrimin e motmoteve

Qytetarët e Kosovës, festat e fundvitit do t’i presin pa reduktime të energjisë elektrike.

Furnizimi me energji elektrike do të ndodh pasi Shqipëria, i ka ofruar ndihmë Kosovës, shkruan Insajderi.com

Lajmin e ka bërë të ditur, zëdhënësi i Qeverisë së Kosovës Përparim Kryeziu.

“Ne padyshim se jemi falënderues Republikës së Shqipërisë për ndihmën e ofruar e cila është në kuadër të një bashkëpunimi të vazhdueshëm mes dy qeverive sa i përket fushës së energjisë. Dhe ky bashkëpunim do ta mundësojë ose do të sigurojë që gjatë ndërrimit të motmoteve të ketë furnizim të rregullt me energji elektrike. Kështu që atmosfera festive të mirëmbahet ashtu siç duhet”, tha ai për Klan Kosova.

“Ky është një bashkëpunim që dy qeveritë e kanë me njëra-tjetrën sa i përket shkëmbimit të energjisë elektrike apo formave të tjera të kompensimit”, ka thënë Kryeziu.

Ditë më parë, kryeministri i Shqipërisë Edi Rama, përmes një postimi në Twitter, ka thënë se do ta ndihmojë Kosovën që ta furnizojë me energji elektrike në ndërrimin e motmoteve.

Theksojmë se në seancën e 29 dhjetorit, Kuvendi i Kosovës ka shpallur gjendje emergjente të energjisë në vend, duke miratuar vendimin e Qeverisë për masat emergjente për kufizim të furnizimit me energji elektrike./Insajderi.com