Kryeqyteti i Ukrainës, Kievi do të futet prapë në shtetrrethim.
Këtë e ka bërë të ditur kryebashkiaku Vitali Klitschko, i cili ka njoftuar për një shtetrrethim të ri në kryeqytet.
Në një deklaratë në Telegram, Klitschko tha se shtetrrethimi do të fillojë të hënën në orën 20:00 me orën lokale dhe do të zgjasë deri në orën 7 të mëngjesit të së mërkurës, shkruan CNN.
Ndërkaq ai tha se dyqanet, farmacitë, pompat e benzinës, institucionet nuk do të punojnë.
“Prandaj, u kërkoj të gjithëve të qëndrojnë në shtëpi ose në strehimore në tingullin e alarmit. Vetëm ata me leje të veçanta do të mund të lëvizin nëpër qytet”, ka thënë ai.
Të paktën tetë persona u vranë në një sulm rus në një qendër tregtare në lagjen Podilskyi të Kievit, sipas informacioneve nga Prokurori i Përgjithshëm i Ukrainës. Ky numër bazohej në atë që Prokurori i Përgjithshëm e quajti informacionin paraprak, duke sugjeruar se numri mund të rritet.
