Trafikimi i personave është një krim i rëndë dhe shkelje e rëndë e të drejtave të njeriut. Çdo vit, mijëra burra, gra dhe fëmijë bien në duart e trafikantëve, në vendet e tyre dhe jashtë saj.
Trafikimi i qenieve njerëzore është bërë një industri fitimprurëse miliarda dollarësh, që parashikohet të kalojë të gjitha nivelet, si biznesi më fitimprurës i paligjshëm në botë, tha ekspertja ndërkombëtar për trafikimin e njerëzve, Sr. Imelda Poole.
Imelda Poole, është presidente e Rrjetit Kundër Trafikimit dhe Shfrytëzimit Fetar në Evropë (RENATE), një grup kongregacionesh fetare që punojnë kundër trafikimit të qenieve njerëzore, në Evropë. Me origjinë nga Britania e Madhe, Poole ka punuar në Shqipëri për 11 vjet, dhe tani drejton Mary Ward Loreto, një organizatë jofitimprurëse për qëllime zhvillimore që i shërbejnë komuniteteve të pafuqishme.
Organizata formon partneritete dhe punon me gjashtë grupe kryesore, duke përfshirë gratë në zonat rurale dhe informale të Shqipërisë; Fëmijët dhe familjet e komunitetit rom; Të rinj nga rajonet rurale dhe joformale të Shqipërisë; Viktima të trafikimit dhe të burgosurve nga nëntë burgje në dioqezën e Tiranës / Durrësit.
Në deklaratën e saj më 18 maj, në Qendrën Mary Ward në Toronto, Poole tha së Kanadaja është bërë destinacioni kryesor për viktimat e trafikimit të qenieve njerëzore, përkundër përpjekjeve të ndryshme për të luftuar tregtinë e paligjshme, raporton The Catholic Register.
Poole ishte në Kanada të njëjtën ditë kur Ontario miratoi Aktin kundër Trafikimit të Njerëzve. Ontario ka të dhëna për 69 për qind të krimeve të raportuara, të trafikimit të qenieve njerëzore në Kanada, sipas të dhënave të vitit 2014. Rreth 70 për qind e këtyre rasteve përfshijnë shfrytëzimin seksual.
Ligji kundër trafikimit të qenieve njerëzore u mundëson viktimave ose viktimave të mundshme të trafikimit të qenieve njerëzore, të sigurojë një mënyrë që viktimat të padisin trafikantët për kompensim për të rindërtuar jetën e tyre.
Një rezultat të mirë Poole shpreson ta shohë duke u angazhuar në një bisedë kombëtare.
Megjithëse trafikimi i qenieve njerëzore është kryesisht për gratë që shfrytëzohen seksualisht, Poole ka parë një rritje të viktimave meshkuj që trafikohen për punë.
” Unë mund të them nga përvoja ime, në gjithë Evropën numri i meshkujve që trafikohen po rritet,” tha ajo. “Gjithsesi, 60 për qind e njerëzve të trafikuar, ende trafikohen në industrinë e seksit dhe gati 70 për qind janë femra. Trafikimi i seksit ekziston në çdo qytet të botës. ”
Poole tha se shumica e këtyre grave përjetojnë “dhunën fizike dhe seksuale” që u nevojitet rehabilitim dhe kujdes i madh.
Në punën e saj në Shqipëri, Poole ka vendosur që kësaj çështje të ju qaset në mënyrë pastorale për këndellje.
“Kujdesi pastoral sigurisht është pjesë e procesit të rehabilitimit”, tha ajo. “Përderisa ne i trajtojmë këta njerëz (ua kujtojmë atyre) … ata janë në zemrën e Perëndisë që i do dhe kujdeset për ta pavarësisht nga padrejtësia”./Insajderi.com
