Vite më parë në foltoren e kuvendit, Azem Hajdari do të qëllohej me armë nga deputeti socialist Gafur Mazreku.
Në po të njëjtin vend, 20 vite pas vdekjes së tij, këtë mbrëmje ka folur Rudina Hajdari, vajza e ish liderit të PD-së.
Rudina Hajdari ka zgjedhur që fokusin e fjalës së saj në parlament ta shënjestrojë tek vendimi i qeverisë për shkrirjen e Ministrisë së Integrimti, që në gjykimin e deputetes së re demokrate, është një gabim fatal.
“Shkrirja e Ministrisë së Integrimit për mua është gabim fatal. Do i shërbente anëtarësimit në BE. Ju e dini se negociatat e Kroacisë zgjatën plot 9 vjet. Ministria e Integrimit do të lehtësonte dhe shkurtonte këtë proces. Të flasësh në këtë podium është privilegj.
Shqipëria ka paguar një çmim të rëndë për demokracinë. Mosrespektimi i këtij Kuvendi mosrespektim për ata që nuk janë sot. Detyra jonë është të ndërtojmë plane mbi parime të besueshme e afatgjatë… Jam e nderuar që flas sot para jush si bija e Azem Hajdarit”, tha deputetja e PD, Rudina Hajdari./Gazeta Express
