Selim Pacolli nga AKR-ja ka folur rreth balotazhit në Prishtinë dhe marrëveshjes që AKR ta mbështes Lëvizjen Vetëvendosje për Prishtinë.
Pacolli thotë se është angazhuar në fitoren e Shpend Ahmetit, pasi që është zotuar se do t’i qëndronte mbrapa marrëveshjes së nënshkruar me kandidatin e Vetëvendosjes.
“Kam bërë ftesa që të dalin dhe ta votojnë kauzën e krijuar me Shpendin”, është shprehur Pacolli për Express.
Ai, i pyetur nëse ka pasur marrëveshje të fshehtë me LDK-në, – pasi marrëveshja e VV-AKR, nuk u reflektua në votat që mori kandidati i tyre, Shpend Ahmeti, – thotë se asnjëherë nuk do të bënte diçka të tillë
Pacolli ka folur edhe për votat me kusht që pritet ta përcaktojnë fituesin në kryeqytet. Sipas tij, 1700 votat nuk do ta ndryshojnë rezultatin preliminar.
