Ministri i Shëndetësisë, Uran Ismaili ka deklaruar se sigurimet shëndetësore nuk do të fillojnë për qytetarët e Kosovës pa ofruar shërbime shëndetësore të mira dhe pa pasur transparencë të plotë në fondin e sigurimit.
Ai ka thënë në emisionin “Përballje” se institucioni i cili është dashur të merret me këtë është pa staf të duhur, pa strukturë e i cili nuk mund të menaxhojë një fond e një punë kaq të rëndësishme në këtë fazë.
“Sigurimet shëndetësore janë prioritet që duhet të ndodhë, disa marrin shërbime sepse kanë të holla e të tjerëve ju shkatërrohet shëndeti sepse nuk kanë mjete, kjo pabarazi nuk duhet të ndodhë në Kosovë. Mungesa e sigurimeve krijon varfëri dhe pabarazi, dhe ky është prioritet i imi që ta ndryshojë dhe për këtë duhet kohë”, ka deklaruar Ismaili.
Sipas tij, janë duke punuar edhe me institucione tjera si Banka Botërore e Ministria e Financave që të ketë më shumë fonde të reja e resurse.
“Nuk bëhet para fundit të vitit 2018, fokusi i vitit 2018 do të jetë furnizimi me barna dhe rregullimi i shërbimeve shëndetësore”, ka deklaruar Ismaili.
Pjesën për sigurimet shëndetësore mund ta shikoni nga minuta 35-të.
