Pas bujës së madhe që u bë rreth ngjashmërisë së logos së përzgjedhur për 10-vjetorin e Pavarësisë së Kosovës, Këshilli Organizativ e ka anuluar atë, duke e përzgjedhë logon tjetër për ta shënuar këtë ditë.
Në bazë të vlerësimit, është përzgjedhë logoja e konkurruesit Zeni Ballazhi, i cili ishte përzgjedhë edhe fitues i propozimit për dizajnin e Medaljes Presidenciale për 10-vjetorin e Pavarësisë.
“I falënderojmë të gjithë ata që kanë konkurruar në konkursin e hapur publik, kurse fituesin e ri, Zeni Ballazhi, i cili ishte përzgjedhur edhe fitues i propozimit për dizajnin e Medaljes Presidenciale për 10 Vjetorin e Pavarësisë, e urojmë për punën e tij dhe e falënderojmë për bashkëpunimin”, thuhet në njoftimin e Këshillit Organizativ./Insajderi.com
