Feride Rushiti nga Kosova është nderuar sot me Çmimin për Gratë e Guximshme nga Departamenti amerikan i Shtetit për punën e saj në kuadër të Qendrës Kosovare për Rehabilitimin e të Mbijetuarve të Torturës.
“Aktivizimi i saj me këtë qendër çoi në vendimin e madh të qeverisë për t’u dhënë pensione viktimave të dhunës seksuale gjatë luftës në Kosovë”, thuhet në reagimin e ambasadës së Kosovës në SHBA.
Por, cili është profili i kësaj gruaje të guximshme, e cila angazhimin e saj e bëri në ndihmë të grave të dhunuara në luftën e fundit në Kosovë.
Dr. Feride Rushiti është themelues dhe drejtoreshë ekzekutive e Qendrës Kosovare për Rehabilitimin e Viktimave të Torturës. Përmes pothuajse dy dekadave të hulumtimit dhe avokimit, Rushiti ka siguruar qasje në kujdesin shëndetësor dhe drejtësinë për viktimat civile të luftës së Kosovës 1998-1999.
Në vitin 2017, mbrojtja e saj çoi në një vendim të rëndësishëm qeveritar për të financuar pensionet për viktimat e dhunës seksuale të kohës së luftës në Kosovë, duke vendosur një precedent për angazhimin qeveritar në përpjekjet për t’u marrë me të kaluarën e kohës së luftës në Kosovë.
Ajo është mjek, dhe filloi trajtimin e viktimave civile të luftës gjatë konfliktit aktiv në vitin 1999.
Rushiti ishte ndër mjeket e para që e njohi nevojën për trajtimin e traumave psikologjike për refugjatët që iknin nga dhuna, veçanërisht në mesin e grave dhe grupeve minoritare.
Ajo filloi një qasje shumë-disiplinore për të adresuar nevojat e viktimave të konfliktit, duke parashikuar një organizatë të vetme që ofron mbështetje psiko-sociale, ndihmë juridike, mjekim, trajtim dhe avokim politikash. Ajo, gjithashtu luajti një rol kyç në zhvillimin e kornizës ligjore të Kosovës për trajtimin human të të burgosurve dhe të burgosurve të tjerë, duke u mbështetur me sukses për monitorimin e pavarur të objekteve të paraburgimit./Insajderi.com
Gratë e tjera që morën mimin nga Shtëpia e Bardhë janë:
L’Malouma Said (Mauritania), Godelieve Mukasarasi (Rëanda), Sirikan Charoensiri (Thailand), Sister Maria Elena Berini (Italy), Aliyah Khalaf Saleh (Iraq), Roya Sadat (Afghanistan), Aiman Umarova (Kazakhstan), Aura Elena Farfan (Guatemala), Dr. Julissa Villanueva (Honduras).
