Deputeti i AAK-së në Kuvendin e Kosovës, Ahmeti Isufi, arrestimin e gjashtë ‘gylenistëve’ e ka quajtur kidnapim.
“Rasti i kidnapimit dhe i deportimit te gjashtë gylenistëve, i ka goditur të gjithë, sepse është një veprim kundërkushtetues dhe kundërligjor”, ka thënë Isufi.
Sipas Isufit, nuk është respektuar hierarkia e përgjegjësisë në rastin e ‘gylenistëve’.
“Mosraportimi te shefat e tyre, i ka dëmtuar raportet me Turqinë. Në Kuvend ende nuk e kemi një informatë të plotë me të cilën deputetët do ta kishin një pasqyrë”, ka shtuar ai.
“Kryeministri i Kosovës për shkak të përgjegjësisë menjëherë i ka shkarkuar dy zyrtarët – ministrin e Punëve të Brendshme, dhe drejtorin e AKI-së”, ka thënë tutje ai, raporton Insajderi.
Deputeti Isufi ka thënë se marrëdhëniet mes Kosovës dhe Turqisë, siç kanë qenë në kaluarën, do të vazhdojnë edhe më tutje, sepse është interes i të dyja vendeve.
Megjithatë, ai ka thënë se Kosova nuk ka shmangie nga orientimi perëndimor.
“Nuk ka shmangie nga orientimi euro-atlantik sepse ka pasur shumë investime në Kosovë, qoftë nga ShBA-ja, apo nga Bashkimi Evropian”, ka thënë ai./Insajderi.com
