Janë më shumë se 1300 deponi ilegale të identifikuara në tërë vendin. Disa herë ka pasur aksione për pastrim të tyre, por rezultati vazhdon të mungojë.
Dhe, këto deponi me vite të tëra kanë qenë të identifikuara nga vetë banorët, si dhe nga zyrtarët komunalë, por asnjëherë nuk është ndërmarrë asgjë me arsyetimin se nuk ka fonde për projekte të tilla.
Një e tillë është edhe në fshatin Tupeq të Istogut, për të cilën banorët kanë 9 vjet që ankohen në komunë, por që kjo e fundit nuk ka ndërmarrë asgjë.
Mirëpo, ministritë përkatëse, në bashkëpunim me GIZ-in gjerman, kanë lansuar aplikacionin për kërkesa të qytetarëve dhe identifikim të deponive tjera ilegale “ndreqe.com”.
Ministrja e Mjedisit dhe Planifikimit Hapësinor, Albena Reshitaj, tha se përmes kësaj platforme do të rritet transparenca e komunave.
