Kryeministrit Ramush Haradinaj ka thënë sot se është takuar disa herë me kriminelin e dyshuar serb të veriut të Kosovës, Milan Radojiçiq, teksa është shprehur se nuk sheh diçka jonormale në lidhje me takimet e tij me Radojiçiq.
Në një konferencë për media, Thaçi kishte sulmuar tërthorazi Haradinajn, duke deklaruar se Gjuriq e ka kaluar natën në banesën e Milan Radojiçiqit në Kosovë, dhe se disa individë të mekanizmave institucionalë të Kosovës kanë qenë në dijeni të plotë të prezencës së tij në Kosovë.
Kryeministri ka thënë sot në emisionin “Pressing” të televizionit T7, se Thaçit do t’i përgjigjet vetëm kur ai t’ia përmend atij emrin.
Haradinaj ka pranuar se rri me Radojçiqin – i konsideruar si shef i nëntokës në veri të vendit – ndërsa ka theksuar se Thaçi, në anën tjetër, rri me presidentin serb, Aleksandar Vuçiq.
Ramush Haradinaj ka kërkuar mbështetje për kryeministër nga krimineli serb i veriut
Insajderi kishte raportuar për profilin e njëri prej kriminelëve kryesor të veriut të Kosovës, Milan Radojiçiq – babanë e gruas se Zvonko Veselinoviqit, i hetuar një kohë të gjatë në Kosovë dhe i dënuar në Serbi.
Pas burgosjes së Veselinoviqit në Serbi, kontrollin në veri të Kosovës e ka marrë Radioçiq. Radojiçiq ka qenë i dënuar për vjedhje më gjashtë muaj burgim. Ndërkohë, ishte arrestuar për kërcënim me vdekje të policëve të Kosovës.
