Pal Lekaj tregon nëse do të japë dorëheqje nga Ministria e Infrastrukturës

Insajderi

Pal Lekaj tregon nëse do të japë dorëheqje nga Ministria e Infrastrukturës

Ministri i Infrastrukturës, Pal Lekaj, ka reaguar pas konfirmimit se ndaj tij është ngritur aktakuzë për keqpërdorim të detyrës zyrtare, në kohën sa ishte në krye të Komunës së Gjakovës.

Përmes një shkrimi në Facebook, Lekaj i ka hedhur poshtë pretendimet e Prokurorisë së Gjakovës, duke thënë se gjithmonë ka vepruar në harmoni me ligjin.

Ai ka shtuar se pavarësisht secilit vendim që mund ta japin organet e drejtësisë, ai do e respektojë, por që nuk e ka ndërmend dorëheqjen. raporton Insajderi.

“Po lexoj në media që organet e drejtësisë paskan ngritur një aktakuzë për një çështje të para 10 viteve. Krejt çka mund të them tani për tani është se në asnjë rast e rrethanë nuk kam vepruar ndryshe përveçse në harmoni me ligjin dhe në ndihmë për qytetarët e shumtë që kanë përfituar nga subvencionet të cilat i ka shpërndarë Komuna e Gjakovës. Ashtu siç kam qenë do të vazhdojë të jem në krye të detyrës, për të përmbushur obligimet tona ndaj qytetarëve dhe vendit tonë. Cilido që do të jetë epilogu i organeve të drejtësisë jam i gatshëm ta respektojë. Por nuk do të ndalemi në punën tonë, pa marrë parasysh tendencës së presionit”, ka shkruar Lekaj.

Pal Lekaj, i cili aktualisht është ministër i Infrastrukturës në Qeverinë e Kosovës, akuzohet për dy vepra penale të përvetësimit në detyrë dhe keqpërdorim të detyrës zyrtare./Insajderi.com