Uashington ka ndërmarrë një aksion të madh me qëllim që Prishtina ta fitojë ulësen në East River.
SHBA e ka nisur një aksioni për të siguruar ulësen në Kombet e Bashkuara për Kosovën. Pranimi në organizatën më të rëndësishme botërore, për Uashingtonin është qëllimi përfundimtar i negociatave në mes të Beogradit dhe Prishtinës.
Se është kështu konfirmon edhe deklarata e zyrtarit amerikan Matthew Palmer, i cili ka thënë se qëllimi i SHBA është ulësja për Kosovën në KB, si dhe se bëhet fjalë për një proces të komplikuar dhe për këtë duhet shumë kohë. Deklarata e Palmerit është praktikisht fillimi i “shpaketimit” të paketës amerikane për Kosovën, shkruan gazeta beogradase “Novosti”.
Ky plan përfshin kërkesën që Beogradi ta mundësojë anëtarësimin e Kosovës në të gjitha organizatat ndërkombëtare, dhe se si kompensim të fitojë dyert e hapura për BE dhe ndihmë ekonomike dhe politike të SHBA në arenën ndërkombëtare. Në paket është krijimi i Asociacionit të komunave me shumicë serbe i cili do të ketë kompetenca të gjëra ekzekutive dhe do të jetë në mënyrë institucionale ngushtë i lidhur me zëvendëskryeministrin e Kosovës (i cili do të ishte përfaqësues i pakicës serbe), transmeton Insajderi.com.
Edhe zëvendëskryeministri i Kosovës Enver Hoxhaj, kishte thënë të martën se marrëveshja juridikisht e obligueshme të cilën po e kërkon BE nga Serbia, nuk është asgjë tjetër veçse anëtarësimi i Kosovës në KB.
Mirëpo, plani amerikan mbi karrigen e Kosovës në East River, është vështirë të zbatohet pa pajtimin e Rusisë, e cila ka drejtë vetoje në KS, dhe mbetet në pozitë se raporti i saj ndaj Kosovës mbetet në përputhje me qëndrimet e Serbisë. Arsyeja është se për pranim si anëtar të plotfuqishëm të një shteti është i nevojshëm pajtimi i Këshillit të Sigurimit.
/Insajderi.com.
