Përgjatë aksionit të Lëvizjes Vetëvendosje, deputeti i kësaj partie Arbër Rexhaj është deklaruar se Oda Ekonomike e Kosovës po favorizon bizneset serbe.
“Lëvizja Vetëvendosje sot ka zhvilluar një aksion simbolik sepse Oda Ekonomike e Kosovës po favorizon bizneset serbe. Aty brenda derisa po bëhet ky zhvillim kemi 170 biznese dhe nga ta 70 janë serbe, duke pasur parasysh se Serbia në Kosovë eksporton afër gjysmë milioni euro ajo ka tendencë që këtë shifër ta rritë.Kur marrim parasysh se Shqipëria në Kosovë eksporton 150 milionë euro ndërsa Kosova 50-të, kjo të tregon për natyrën dhe karakterin e shtetit dhe institucioneve që po drejtohen në formë të gabuar.Ne Serbinë ende e kemi me karakter e cila përherë po synon ta dëmtojë Kosovën si në aspektin e sovraniteti poashtu edhe në aspektin ndërkombëtarë”, ka thënë Rexhaj, shkruan Indeksonline.
Gjithashtu ai ka shtuar se nuk duhet që Kosova t’i jap kaq shumë favorizime shteti serb.
“Vetëvendosje konsideron se meqenëse këto marrëdhënie janë të tilla nuk do të duhej që ne si shtet të jepnim kaq shumë favorizime Serbisë.Në veçanti Oda nuk do të duhej t’u andante 500 metra katrorë bizneseve serbe teksa brenda kemi vetëm një biznes shqiptarë dhe se aty brenda kemi hapësirën e rregulluar enkas hapësirën për flamurin serb, kur ne ende kemi plagët nga personat e pagjetur që duhet të na kthejë Serbia.Mendoj se kjo që po zhvillohet si odë, në njëfarë forme po përcjellë dhe institucionin drejt favorizimeve ekonomike”, ka thënë Rexhaj.
Lëvizja Vetëvendosje është duke shënuar një aksion simbolik lidhur me pjesëmarrjen e 70 kompanive serbe që janë duke marrë pjesë në panairin ndërkombëtar ‘Prishtina 2018’.
Në shenjë kundërshtimi ndaj pjesëmarrjes së një numri të lartë të bizneseve serbe në panair, aktivistët e VV-së zhvillojnë sot një aksion simbolik te ‘Salla e Panaireve’ që gjendet në fshatin Bërnicë.
Aksioni tashmë ka filluar dhe për këtë të gatshëm janë edhe Njësitë e Policisë së Kosovës, raporton Indeksonline.
Në vendin e ngjarjes tashmë kanë arritur ekipe të shumta të Policisë, të cilët po qëndrojnë në gjendje gatishmëri për çfarëdo eksalimi të këtij aksioni.
