Kryetari i komunës së Prishtinës, Shpend Ahmeti, ka reaguar pas deklaratave të LDK-së në Prishtinës të cilët kanë kërkuar dorëheqjen e kryetarit të kryqytetetit pas tragjedisë së ndodhur sot në lagjen “Kolovicë” të Prishtinës.
Ai ka thënë se ndihet i pafuqishëm dhe se nuk dëshiron të flas për çështje politike, pasi siç thotë Ahmeti, një post politik nuk është më i rëndësishëm se jetët e njerëzve.
Postimi i plotë i Shpend Ahmetit në rrjetin social Facebook.
Gazeta Express e paska qit një titull gjoja se unë kam thënë se nuk ndjej përgjegjësi morale për aksidentet e qytetarëve. LDK e paska marr këtë deklaratë të pavërtetë dhe paska përdorë tragjedinë që të kërkojë dorëheqjen time.
Në këtë ditë të rëndë për mua e ku nuk dua të politizoj rastin e të mirrem me shpifjet e një gazetari, mund të them vetëm kaq:
Sot ndihem i pafuqishem. Gropat e tilla janë pasojë e viteve të korrupsionit, neglizhences e ndjekjes së profitit në kurriz të njerëzve e humanitetit (kjo e sotit disa vite e vjetër). Te gjithë ata që mendojnë se një post politik është më i rëndësishëm se një jetë njeriu e kanë shumë gabim. Këto gropa do të na marrin edhe shumë jetë derisa të mbyllen. Sot po qaj për ata dy fëmijë, edhe për shumë të tjerë që e humben jetën nga pamundësia për ti mbrojtur nga e keqja që na ka kapluar në vitet e fundit. /Insajderi.com
