Siguria në vendin e punës në Kosovë nuk është aspak e kënaqshme, dhe si pasojë e mungesës së mjeteve të cilat ju ofrojnë siguri punëtorëve, kemi shumë raste kur punëtorët në Kosovë kanë pësuar lëndime, dhe kanë humbur jetën.
Për këtë ka folur kryetari i sindikatës Bashkimi i Sindikatave të Pavarura të Kosovës (BSPK), Avni Hajdini, dhe ka kujtuar rastet kur punëtorët kanë humbur jetën vetëm sepse ju kanë munguar dy dërrasa apo një rripë lidhës.
“Kemi shumë raste kur në mungesë të mjeteve elementarë për punë kanë humbur jetën punëtoret, për shembull kemi rastin kur në Skenderaj kishte humbur jetën në mungesë të dy dërrasave, sepse nuk kishte siguruar vendin e puëns dhe ka hyrë poshtë dhe e ka nxënë, e ka mbytur. Fataliteti tjetër është kur për një rrip lidhës punëtori ka ra nga skelja nga kati i gjashtë dhe ka humbur jetën, e këto janë fatkeqësi”, ka thënë Hajdini për Rtv 21.
Ai ka thënë punëtorët duhet të kërkojnë të drejtat e tyre, duke kërkuar kushte më të mira për punë, me qëllim të sigurimit të jetës së tyre.
Punëtorët duhet të kërkojnë të drejtën e tyre në punë, për sigurinë e tyrë në punë sepse është në pytje jeta e tyre dhe jeta e gjitha familjes së tij, sepse një humbje e një prindi është humbje e madhe, është fatalitetet për krejt familjen dhe shoqërinë”, ka thënë ai. /Insjaderi.com
