Deputeti i Kuvendit të Kosovës, Labinot Tahiri është arsyetuar pas videos ku shihet duke pirë ujë “Rosa”, produkt ky i shteti të Serbisë.
Përmes një postimi në llogarinë e tij në Facebook, Tahiri ka shkruar se nuk e ka parë se cfarë uji ka qenë. Ai ka shkruar se e ka blerë në Maqedoni, ka qenë thjeshtë ujë.
“Ishte një gabim, por as nuk e kam parë se çfarë uji është, thjeshtë ujë nga Maqedonia dhe e bleva. Jam në Ohër dhe këtu nuk ka ujë Tepelene apo Rugova!”, ka shkruar Tahiri.
Tutje Tahiri ka shkruar se “As që kam shikua se çfarë uji është! Nëse disa nga ju, po e kërkoni me e qit në shoshë këtë farë pune, atëherë vetëm veproni dhe shpërndajeni njëjtë si unë, qeshtjen e protestës së 9 majit për ata Trima tê rastit KUMANOVA, të cilët janë ne Burg, e punën e ujit e rregullojmë pa asnjë problem”.
Gazeta Insajderi ka shkruar sot gjatë ditës se këngëtari dhe deputeti Tahiri ka qenë live në Facebook, ku shihet se ka shkuar në Strugë. Ai në bregdet ishte me Hanën, gruan e tij dhe ka fol për përurimin e një rruge për të cilën pati protestuar
Por ajo çka ra në sy, ishte se ai pinte ujë Rosa, ujë ky i shtetit serb. Labinot Tahiri, ishte ai që ngriste zërin kundër produkteve serbe, por vet sot bëri të kundërtën. Madje ai i pati thurur lavde kryeministrit Ramush Haradinaj, për taksën ndaj Serbisë. /Insajderi.com
Tani i pash komentet për ujin Rosa! Ishte nje gabim, por as nuk e kam parë se cfarë uji është, thjeshtë ujë nga…
Gepostet von Labinot Tahiri am Freitag, 3. Mai 2019
