Deputeti i Lëvizjes Vetëvendosje Xhelal Sveçla, ka thënë se deputetja Flora Brovina duhet të përballet me drejtësinë, pasi ajo sot pranoi se foton që e publikoi dje mund të jetë e falsifikuar dhe se nuk e ka verifikuar.
Sveçla në një statusi në rrjetin social Facebook, ka paraqitur disa nene të Kodit Penal, të cilat sipas tij dënojnë atë që ka bërë Brovina.
Ai në statusin e tij po ashtu ka përmendur edhe kryetarin e Kuvendit, Kadri Veseli.
“Drejtësia duhet të veproj.
Flora;
Neni 390, par. 2 i Kodit Penal: “Kushdo që ofron prova të rreme për veprën penale . . . dënohet me [gjobë ose me burgim prej tre (3) muaj deri në tre (3) vjet]”
Kadri;
Neni 394, par. 1 i Kodit Penal (“Pengimi i të provuarit apo procedurës zyrtare”): “1. Kushdo që me anë të detyrimit apo ryshfetit, me qëllim të . . . nxitjes së ndonjë personi që të jep deklaratë të rreme, të ofrojë dokument të rremë . . . në procedurë zyrtare . . . dënohet me burgim prej gjashtë (6) muaj deri në pesë (5) vjet”
Neni 32, par. 1 i Kodit Penal (“Shtytja”): “Kushdo që me dashje e shtytë personin tjetër të kryejë vepër penale dënohet sikurse ta kishte kryer vet atë vepër penale nëse vepra penale është kryer”.
Vetëm kështu mund te riparohet reputacioni i Kosovës. Ose, reagimi masiv qytetar”, ka shkruar në Facebook, Xhelal Sveçla./
