Ministria e Punëve të Jashtme që udhëhiqet nga zëvendëskryeministri njëherësh edhe ministër i Punëve të Jashtme, Behgjet Pacolli, ka paguar 800 euro për një pikturë të Heroit Kombëtar Gjergj Kastrioti – Skënderbeu.
Komisioni Rregullativ i Prokurimit Publik ka publikuar nënshkrimin e kontratës “Furnizim me pikturën e Gjergj Kastriotit Skënderbeu” nga Departamenti i Prokurimit të Ministrisë së Punëve të Jashtme.
Numri i tenderëve të pranuar ka qenë 3, kurse tenderi i përgjegjshëm me çmimin më të ulët është në vlerën prej 800 eurove.
Nënshkrimi i kësaj kontrate mban datën 21 maj 2019, kurse operatori ekonomik me të cilin është nënshkruar kontrata është D.P.Z Art Galleri “Figura” në Prishtinë.
Vendi kryesor i realizimit është Ministria e Punëve të Jashtme, Rr.Luan Haradinaj, Ndërtesa e MPJ-së, kati X zyra nr.1002.
