Policia e Shtetit ka sekuestruar 1.5 milionë euro pasuri të Admir Muratajt dhe familjarëve të tij. Vila, apartamente, truall dhe automjete ka sekuestruar policia, në bashkëpunim me Drejtorinë e Pastrimit të Parave. Sekuestrimi i këtyre pasurive ka ardhur pas grabitjes që Admir Murataj bëri në Rinas, ku u vra gjatë shëkmbimit të zjarrit me policinë.
Mes këtyre pasurive përfshihet një vilë në Prezë, apartamente në Tiranë, apartament në Sarandë, tokë ruall në Sauk, garazh dhe 9 makina luksoze. Disa nga pronat e sekuestruara janë në pronësi të Admiri Muratajt, ndërkohë që 1 apartament është në pronësi të bashkëshortes së tij, Albana Alidhima. Makinat janë në pronësi të vëllait të Admirit, Cen Murataj.
Pasuritë e sekuestruara:
Vilë 3-katëshe e ndodhur në Prezë, Tiranë, me një sipërfaqe totale ndërtimi 300 m2 në emër të shtetasit A. M.
Tokë truall me sipërfaqe 600.3 m2 e shtetasit A. M., ndodhur afër Saukut,
Garazh me sipërfaqe 23 m2, në emër të shtetasit A. M., blerë në vitin 2016
Apartament me sipërfaqe 100.5 m2, në emër të shtetasit A. M.
Tokë truall, në emër të shtetasit A. M.
Apartament banimi në Sarandë, i porositur në datë 05.07.2012 tek një shoqëri ndërtimi, kundrejt shumës 90 000 euro.
Apartament, me sipërfaqe 71 m2, në emër të shtetases A. A.
9 automjete të llojeve të ndryshme relativisht të shtrenjta.
Vila e Admir Muratajt në Prezë, e cila është sekuestruar
Njoftimi i Policisë:
Tiranë – Sekuestrohen rreth 1.5 milion euro pasuri në pronësi të shtetasit Admir Murataj dhe familjarëve të tij.
Në kuadër të luftës kundër krimit të organizuar, në vijim të punës për gjurmimin, evidentimin dhe sekuestrimin e pasurive që rrjedhin nga veprimtaria kriminale, Departamenti i Policisë Kriminale në bashkëpunim me Seksionin për Hetimin e Pastrimit të Parave dhe Aseteve Kriminale në DVP Tiranë, në zbatim të vendimit të Gjykatës së Shkallës së Parë për Krime të Rënda Tiranë, kanë bërë sekuestrimin e pasurive të luajtshme dhe të paluajtshme të cilat i përkisnin shtetasve A. M., Sh. M. dhe C. M., dhe konkretisht:
Vilë 3 – katëshe e ndodhur në Prezë, Tiranë, me një sipërfaqe totale ndërtimi 300 m2 në emër të shtetasit A. M.
Tokë truall me sipërfaqe 600.3 m2 e shtetasit A. M., ndodhur afër Saukut,
Garazh me sipërfaqe 23 m2, në emër të shtetasit A. M., blerë në vitin 2016
Apartament me sipërfaqe 100.5 m2, në emër të shtetasit A. M.
Tokë truall, në emër të shtetasit A. M.
Apartament banimi në Sarandë, i porositur në datë 05.07.2012 tek një shoqëri ndërtimi, kundrejt shumës 90 000 euro.
Apartament, me sipërfaqe 71 m2, në emër të shtetases A. A.
9 automjete të llojeve të ndryshme relativisht të shtrenjta.
Vlera e pasurive të sekuestruara llogaritet rreth 1,5 milion euro.
Pasuritë e sekuestruara janë lënë në administrim të Agjencisë së Administrimit të Pasurive të Sekuestruara dhe të Konfiskuara.
Po punohet për identifikimin e pasurive dhe aseteve të tjera që kanë këta shtetas, por që nuk i kanë të regjistruar në emër të tyre.
