Deputeti i Lidhjes Demokratike të Kosovës (LDK), Avdullah Hoti i cili është duke marr pjesë së bashku me Kryetarin e Kuvendit, Kadri Veseli dhe deputeten e Alternativës, Mimoza Kusari Lila në forumin për parlamentarë në Shtetet e Bashkuara të Amerikës ka thënë se aty janë duke debatuar kundër popullizmit.
Përmes një postimi në llogarinë e tij në Facebook, Hoti ka shkruar se duhet të angazhohen që të bëjë një demokraci funksionale dhe kuptimplote, shkruan Gazeta Insajderi.
“Ne Washington, me kongresmen dhe deputete nga 18 vende te ndryshme, po vazhdojmë me debate lidhur përvojat ne forcimin e demokracisë”, ka shkruar Hoti.
Hoti ka shtuar se “Ne një bote te globalizuar, legjislativi duhet te luftoje disinformacionin, qe po e i dëmton demokracitë ne zhvillim, si dhe te luftoje popullizmat qe nuk i shërbejnë interesave te te gjitheve. Mbi te gjitha, legjislativi duhet te angazhohet qe ta beje demokracinë funksionale dhe kuptimplote, e jo vetem procedurale”. /Insajderi.com
