Kryeministri në dorëheqje, Ramush Haradinaj e ka përgëzuar Kancelaren Angela Merkel për rikonfirmimin e mbështetjes për Ballanin Perëndimor për integrim në Bashkimin Evropian.
Haradinaj përmes Twitterit, e ka postuar një fotografi me Kancelaren Merkel gjatë një takimi që ka pasur me të në Berlin.
Haradinaj ka shkruar se Bashkimi Evropian do të jetë më i fortë me gjashtë shtetet e Ballkanit Perëndimor.
“E përshëndes qëndrimin e kancelares Merkel për konfirmimin e përkrahjes së perspektivës së Ballkanit Perëndimor për zgjerimin e BE-së sot nga qyteti hungarez i Sopron-it.
Bashkimi Evropian do të jetë më i fuqishëm dhe me më shumë mirëqenie me afrimin e gjashtë vendeve të Ballkanit Perëndimor drejt BE-së. Kosova është gati”, ka shkruar në Twitter Haradinaj.
Kancelarja gjermane Angela Merkel ka thënë se Evropa do të jetë e bashkuar vetëm kur të gjitha shtetet e Ballkanit Perëndimor të bëhen anëtare të Bashkimit Evropian.
Evropa do të jetë e bashkuar vetëm kur të gjitha shtetet e Ballkanit Perëndimor të bëhen anëtare të Bashkimit Evropian, ka porositur kancelarja gjermane Angela Merkel.
Ajo i bëri këto deklarata në Hungari në shënimin e 30 vjetorit të ashtuquajturit “Piknik panevropian”.
Merkel ka thënë se Evropa nuk do të jetë e bashkuar derisa komplet Ballkani Perëndimor të jetë pjesë e Bashkimit Evropian.
“Nëse analizoni gjërat gjeografikisht e po ashtu shikoni edhe hartën, do të shihni se Evropa do të jetë e bashkuar vetëm me shtetet e Ballkanit Perëndimor”, deklaroi Merkel para gazetarëve, raporton “Politiko”.
Deklaratat nga Merkel paraqesin një tjetër pasqyrë të qëndrimit të Berlinit për zgjerimin e Bashkimit Evropian, që është ide e pambështetur nga disa prej shteteve të tjera anëtare të BE-së.
I applaud ??Chancellor #Merkel for reaffirming #WesternBalkans’ #EU enlargement perspective today from the #Hungarian town of #Sopron. The #EuropeanUnion will be stronger & more prosperous by embracing all #WB6 countries closer to #EU. #Kosovo is ready! ?????? pic.twitter.com/2PR7aXc82j
— Ramush Haradinaj (@haradinajramush) August 19, 2019
