![Tensionet pas vrasjes së gjeneralit iranian, cila është siguria e kosovarëve në vendet arabe?](https://insajderi.com/wp-content/uploads/2020/01/kriza-780x439-730x440.jpg)
Tensionet pas vrasjes së gjeneralit iranian Qasem Soleimani, nga forcat amerikane dhe kërkesës së Parlamentit të Irakut që të largohet ushtria amerikane nga ky shtet sollën në vëmendje edhe sigurinë e të punësuarve kosovarë në bazat ushtarake amerikane në Irak.
Republika e Kosovës nuk ka ambasadë në Irak.
Ministria e Punëve të Jashtme e Kosovës ka vënë në veprim misionet diplomatike afër Irakut për të ofruar mbështetje të nevojshme konsullore shtetasve të Kosovës në Irak dhe në rajon.
Pavarësisht masave të ndërmarra për sigurinë e qytetarëve në zonat me potencial rreziku, në MPJ apelojnë që qytetarët e Kosovës të shmangin vizitat në Iran dhe Irak, raporton RTV21 .
Ambasadori i Kosovës në Arabinë Saudite, Lulzim Mjeku flet për sigurinë e të punësuarve kosovarë në Irak.
“Jemi të gatshëm që të ndihmojnë shtetasit e Kosovës në rast nevoje”, tha ai.