![Glauk Konjufca “pengesë” për koalicionin LDK-VV](https://insajderi.com/wp-content/uploads/2020/01/Kurti-Mustafa-600x360-730x440.jpg)
Marrëveshja e koalicionit mes Lëvizjes Vetëvendosje dhe Lidhjes Demokratike është bllokuar për shkak të postit të kryeparlamentarit. Ato nuk janë zhbllokuar as pas takimit të tretë me radhë.
Brenda këtyre zhvillimeve kanë thënë se në takimin e së enjtes LDK-ja ka kërkuar që të rihapet çështja e postit të kryeparlamentarit, “krahas ndarjes së barabartë të ministrive dhe zotimin e votave të VV-së për postin e presidentit”. Por Albin Kurti, sipas këtyre burimeve, ka thënë se nuk e “djeg” njeriun e dytë të partisë, shkruan “Koha Ditore”.
Për të, zgjedhja e Glauk Konjufcës në krye të Kuvendit, edhe me votat e LDK-së, është proces i pakthyeshëm. Sa i përket presidentit, VV-ja është pajtuar që propozimi i kandidatit t’i takojë Lidhjes Demokratike. Në Vetëvendosje ka munguar një qëndrim zyrtar përkitazi me diskutimet e së enjtes.
Në anën tjetër, zyrtarë të LDK-së e kanë konfirmuar ofertën që ia kanë bërë LDK-së dhe atë se negociatat kanë ngecur tek çështja e kryeparlamentarit. Por, kanë refuzuar të tregojnë se po kërkojnë kthimin e negociatave tek kushtet fillestare.