Në një aksident komunikacioni që ka ndodhur mbrëmë në Runikë të Skenderajt, një person ka humbur jetën kurse një tjetër është lënduar.
Sipas Policisë, mbrëmë rreth orës 19:00, në rrugën rajonale Mitrovicë-Pejë, gjegjësisht në fshatin Runikë, ka ndodhur një aksident trafiku me lëndime të rënda trupore, ku janë përfshirë dy automjet me targa vendore.
“Si pasojë e aksidentit, lëndime trupore kanë pësuar dy drejtuesit e automjeteve, si dhe tre pasagjerët. Dy nga të lënduarit janë dërguar në QKUK për tretman mjekësor. Ndërsa sot në ora 03:18, nga QKUK është raportuar se i lënduari viktima F.I., 41 vjeçar, nga lëndimet e pësuara ka ndërruar jetë.
Me urdhër të prokurorit kujdestar, trupi i pajetë i viktimës është dërguar në Institutin e Mjekësisë Ligjore.
