Presidenti Hashim Thaçi me shumë entuziazëm tregoi të enjten se Xhamajka e ka njohur Kosovën.
Por vetëm pak orë më pas, në mëngjesin e djeshëm – njoftimi i tij u demantua nga ministrja e jashtme xhamajkane.
Ajo tha se shteti i saj s’e ka njohur ende Kosovën, shkruan Insajderi.
To date, Jamaica has not recognized Kosovo as an independent state. https://t.co/HLNtJaOWLh
— Hon. Kamina J Smith (@kaminajsmith) February 21, 2020
Që nga momenti kur ka “cicëruar” lajmin e deri në këtë kohë, Hashim Thaçi, s’e ka thënë asnjë fjalë për lajmin e rremë.
Pavarësisht shumë reagimeve kundër tij – postimi i Presidentit të Twitter vazhdon të qëndrojë aty.
Great news! I just got notified from our Ambassador @vloracitaku that #Jamaica has recognized Republic of #Kosovo as sovereign and independent. I know this is a result of hard work & lobbying of several years, incl @RepEliotEngel. Good work. Thank you dear friends from Kingston! pic.twitter.com/17KPSXdrvL
— Hashim Thaçi (@HashimThaciRKS) February 20, 2020
Megjithatë i njëjtë ka gjetur sonte pak kohë që në profilin e tij në Facebook ta kujtojë ditëlindjen e George Washington.
“288 vjet më parë ka lindur George Washington, patrioti dhe drejtuesi i luftës për pavarësi, burrështetasi dhe presidenti i parë i Shteteve të Bashkuara të Amerikës. Figurës së tij si një prej themeluesve të SHBA-së dhe si president unifikues më të drejtë i është dhënë epiteti i pashmangshëm si “i pari i luftës, i pari i paqes dhe i pari në zemrat e qytetarëve amerikanë”.
“Ky personalitet historik ka tejkaluar përmasat amerikane dhe është bërë një referencë fuqiplotë e popujve liridashës”.
“Jemi mirënjohës për rrugëtimin tonë historik drejt lirisë dhe pavarësisë nën mbështetjen e fuqishme të Shteteve të Bashkuara të Amerikës. Lidhjet tona me SHBA-në janë shumë më të thella dhe tejkalojnë raportin e thjeshtë politik e institucional mes dy vendeve. Ato janë lidhje shpirtërore e historike të një raporti besimi dhe vlerësimi reciprok, që unifikohet nën parimet e lirisë, demokracisë dhe të drejtave të patjetërsueshme të qytetarëve”, ka shkruar Thaçi, transmeton Insajderi.
288 vjet më parë ka lindur George Washington, patrioti dhe drejtuesi i luftës për pavarësi, burrështetasi dhe presidenti…
Gepostet von Hashim Thaçi am Samstag, 22. Februar 2020