Aktivisti i Vetëvendosje, Valdrin Ahmeti është duke protestuar i vetëm para dyerve të Kuvendit të Kosovës, për mos rrëzimin e Qeverisë të drejtuar nga Albin Kurti.
Me thirrjen e tij “kundër mocionit”, ai është duke kërkuar që mos të votohet mocioni për rrëzimin e qeverisë.
Anëtari i Lëvizjes Vetëvendosje, Valdrin Ahmeti, iu ka bërë thirrje anëtarëve të kësaj partie që në orën 16:20 të dalin për të protestuar para Kuvendit të Kosovës.
Ahmeti përmes një statusi në Facebook ka bërë thirrje për të rrezikuar, duke thënë se nuk ka rrrezik më të madh se rrezimi i Qeverisë.
“E di qe eshte me rrezik, por nuk ka rrrezik me te madh se rrezimi i Qeverise, ngjarje e cila i hap rruge ndarjes se vendit tone. Andaj ne ora 16:20 do te jem para Kuvendit per te protestuar kunder ketij mocioni te turpit. Nese dikush mendon te me bashkohet, respektoni te gjitha masat dhe udhezimet e qeverise! P.s. JU LUS AS MOS PROVONI ME ME NDALE OSE NDERRU MENDJEN!”, ka shkruar Ahmeti.
