Raportimet e shumta të mediale për rritje çmimesh e keqpërdorim të situatës në kohë pandemie kanë qene edhe një nga shtytësit edhe për institucionet për ta vënë nën kontroll situatën, edhe për bizneset që të ndalin veprimtarinë e dyshimtë.
Në një intervistë për InDoks, Florina Berisha nga Shoqata e Farmacistëve ka thënë se ka pasur rritje globale dhe ky fenomen nuk ka qenë i pranishëm vetëm në Kosovë.
“Rritja e çmimeve ka ardhur si rezultat i kërkesës së fundit, hallka e fundit që ka pësuar është qytetari, e kjo ka ardhur si rezultat i rritjes së çmimit furnizues gjithashtu depot të ilaçeve, janë furnizuar importues me të cilët ata kanë bashkëpunuar. Këto produkte më herët janë importuar nga Kina, me faktin që ka pushuar importi nga Kina dhe importi u zhvendos në vende të tjera evropian ka dërguar tek rritja e çmimeve që e fundit është ballafaquar në rritjen e këtyre produkteve”, ka thënë Berisha.
Një javë pas, dhe sidomos pas masave të marra nga institucionet përkatëse, InDoks u është kthyer edhe një herë barnatoreve. Çmimet po shkojnë kah niveli i përballueshëm për qytetarët.
“Daleroni-Paracetamoli është 30 cent një folie, kurse vitaminën C e ke 1.60 cent. Shumë pak, vitamina C kohëve të fundit pak ka ditë me qenë në ngritje përndryshe jo, , të paktën në barnatoren tonë jo”, ka thënë një barnatore e qytetit.
Administrata Tatimore e Kosovës pas vizitave në terren ka thënë se një numër i konsiderueshëm i bizneseve kanë rritur çmimet e produkteve bazike dhe kanë dhënë shifra rreth gjobave, pas denoncimeve nga qytetarët.
Drejtori i ATK-së , Ilir Murtezaj, ka treguar se sa biznese janë disiplinuar e sa gjoba janë shqiptuar.
“ Inspektorët kanë bërë konstatimin se dje deri në orën 20:00, kanë verifikuar 1299 aktivitete, janë inspektuar 2999 biznese, në kuadër të tyre 193 raste janë konstatuar se ka pasur shkelje tatimore, shkelje ligjore që ne të shkojmë, si dhe 39 raste të tjera janë dërguar tek Inspektoriati i Tregut, për trajtim të mëtutjeshëm juridik. Kemi raportin e qendrës së thirrjeve nga dita e parë ku kemi pas fluksa të thirrjeve 933 raste, i cili ka ran ë vazhdimësi çdo ditë, janë disa thirrje që ndërlidhen me çështje tatimore, 33 të tjera kanë pasur aktivitet që nuk janë në kuadër të ATK-së”.
