Kryeministrit në detyrë Albin Kurtit nuk iu dhanë në dispozicion as 100 ditë për të treguar se si do të qeveriste, u rrëzua për më pak së dy muaj të mandatit të tij.
Ramush Haradinaj, qeverisë së të cilit i përmenden shumë afera korruptive, e ka akuzuar Kurtin si njeri i korruptuar duke ja vënë në dyshim edhe financimet e fushates zgjedhore.
Haradinaj ka potencuar se shefi i kabinetit të Kurtit, Luan Dalipi, posedon tre shtëpi në lagjen “Marigona Residence”, madje shton se ato mund të jenë të Kurtit.
“Ai është më i korruptuar se të gjithë të tjerët. Ai e ka praktikën: ‘t’ua thom, sa s’më kanë thënë. Ai ka marrë Luan Dalipin shef të Kabinetit. Një njeri të akuzuar për korrupsion nga BE-ja. Luan Dalipi ka tri shtëpi në Marigonë. Pyetja shtrohet: ‘A mos dy prej tyre janë të Albinit dhe Vetëvendosjes?’”, ka thënë Haradinaj.
InDoks në këtë episod do të trajtoj historinë e shkurtër, e shumë kontroverse të dikur idealistit të bashkimit kombëtar, tash kryeministrit kosovar në detyrë. Pse ai ra kaq shpejt? A ishte e shmangshme rënia e tij? Shkarkimi i Agim Velit e taksa 100% a janë dy shkaqet e vërteta që e çua në këtë drejtim Qeverinë e Kurtit? Cilat janë prapaskenat e krejt kësaj historie?
