Ministri në detyrë i Bujqësisë, Besian Mustafa, ka njoftuar se është në kontakt të vazhdueshëm me rrjetin e marketeve për t’iu gjetur zgjidhje bujqve që shesin produktet e tyre në tregje.
Kjo, për shkak se të gjitha pazaret janë mbyllur si rezultat i gjendjes emergjente të shkaktuara nga COVID-19, përcjell Insajderi.
Mustafa, ka shkruar se pas kësaj ka marrë përgjigje pozitive nga rrjeti i shitjes me pakicë Meridian Express të cilët, në përkrahje të bujqve kosovar dhe prodhimeve vendore, nga nesër do të ofrojnë sallatë të gjelbër të prodhuar në vend.
Postimi i tij i plotë:
Jam në kontakt të vazhdueshëm me rrjetet e marketeve për të ju gjetur zgjidhje bujqve të shesin produktet e tyre, pasi që janë mbyllur pazaret si rezultat i gjendjes emergjente të shkaktuar nga COVID-19.
Sapo u njoftova për përgjigjen pozitive nga rrjeti i shitjes me pakicë Meridian Express të cilët, në përkrahje të bujqve kosovar dhe prodhimeve vendore, nga nesër do të ofrojnë sallatë të gjelbër të prodhuar në vend.
Do të vazhdoj të koordinoj më shumë rrjete të shitjes me më shumë bujq që t’u ofrojmë familjeve tona më shumë produkte ushqimore të prodhuara nga toka jonë.
Bujqësi. Ushqim. Ardhmëri./Insajderi.com
