Lekaj kërkon falje për “gabimin e padashur gjuhësor” (VIDEO)

Pal Lekaj e përshkroi qeverinë e Albin Kurtit si Qeveri feministe. Më vonë u sqarua se me feministe mendoi “fëmijërore”. Sot kërkoi falje, sidomos grave.

Deputeti i Aleancës për Ardhmërinë e Kosovës, Pal Lekaj, duke dashur që ta përshkruajë qeverinë e Albin Kurtit si qeveri e papjekur dhe fëmijërore, ka thënë se ajo ishte një qeveri “feministë”.

Për këtë, ai në llogarinë e tij në Facebook, ka kërkuar falje.

Ka thënë se ishte një gabim gjuhësor.

Lekaj u ka kërkuar falje të gjithëve, por në veçanti grave.

“Mbrëmë në emisionin “Edicioni Special” të Klan Kosovës, gjatë bisedës në lidhje me aktualitetin politik në vendin tonë, konkretisht përsa i përket diskutimit për pafuqinë dhe papërvojen e ish/Kryeministrit Kurti për të qeverisur me Kosovën, më ka ndodhur një lëshim i padashur gjuhësor dhe përmbajtësor me fjalën “Feministe” (kup. fëmijërore), për të cilin kërkoj ndjesë para publikut të gjerë, e veçanërisht para gjinisë femërore”, ka shkruar Lekaj./Insajderi.com