Mot me diell, shi, erë dhe vranësira
Gjatë javës që po vjen do të kemi një mot jostabil pasi do ketë diell, shi, erë dhe vranësira.
Kështu ka njoftuar IHMK për opinionin kosovar në lidhje me motin gjatë javës së ardhshme.
“Edhe java e tretë e muajit qershor do të vijoj me kushte të paqëndrueshme meteorologjike, diell, shi, erë dhe vranësira të shoqëruara me shkarkime rrufesh. Kjo situatë e paqëndrueshme vjen si pasojë e masave të ajrit me presion të ulët atmosferik dhe prezencës së vranësirave të paqëndrueshme. Temperaturat minimale do të lëvizin ndërmjet 11-14 gradë Celsius, ndërsa maksimalet e ditës parashihen të lëvizin ndërmjet 22-27 gradë Celsius. Do të fryjë erë nga veriperëndimi dhe juglindja me shpejtësi 1-11 m/s”, thuhet në njoftim. /insajderi/
