Jemeni po përballet keq me COVID-19, pasi lufta ka shkaktuar probleme të mëdha.
Coronavirus mund të përhapet shpejt dhe me pasoja vdekjeprurëse në Jemen sesa në shumë vende tjera të botës.
Këtu janë pesë arsye pse po ndodh kjo:
1. Gjendje lufte.
Që nga viti 2015, Jemeni është shkatërruar nga konflikti, duke lënë miliona njerëz pa qasje në kujdesin e duhur shëndetësor, ujë të pastër ose kanalizime, thelbësore për parandalimin e përhapjes së virusit. Ushqimi, furnizimet mjekësore dhe humanitare janë kufizuar nga një bllokim i pjesshëm i tokës, detit dhe ajrit të vendosur nga një koalicion i udhëhequr nga Sauditë e vendeve që luftojnë rebelët Houthi – ndërsa vetë rebelët kanë penguar shpërndarjen e ndihmave.
2. Tashmë po vuan krizën më të rëndë humanitare në botë.
Kushtet në Jemen e vënë popullsinë në rrezik të veçantë për një sëmundje ngjitëse. Pothuajse tre vjet para ardhjes së Covid-19, KB e shpalli Jemenin vendin më të nevojshëm në botë për ndihmë. Rreth 24 milion njerëz kanë nevojë për ndihmë- kjo është rreth 80% e popullsisë varet nga ndihmat për të mbijetuar dhe miliona janë në prag të urisë.
3. Sistemi shëndetësor i Jemenit është shembur.
Pesë vjet luftë ka copëtuar sistemin shëndetësor të Jemenit, duke e lënë të paaftë të përballojë një pandemi. 3.500 objekte mjekësore të Jemenit janë dëmtuar ose shkatërruar në sulmet ajrore, dhe vetëm gjysma mendohet se funksionon plotësisht, raporton BBC.
4. Numri aktual i rasteve të coronavirusit është i panjohur.
Pa e ditur më saktë se kush ka coronavirus, është më e vështirë të parandalohet përhapja e tij ose të planifikohet për numrin e pacientëve që bëjnë tendosje shtesë në sistemin tashmë të brishtë shëndetësor.
5. Vetë mjekët janë shumë të rrezikuar nga COVID-19.
Krahas mungesës së ilaqeve për të trajtuar raste, mjekëve në Jemen u mungojnë pajisjet e mbrojtjes personale (PPE), siç janë maskat dhe fustanet, për t’i mbrojtur ata nga sëmundja. /Insajderi/
