Shtetet e Bashkuara të Amerikës duan për Kosovën atë që vetë qytetarët e Kosovës e duan për vete.
Kështu ka thënë ambasadori amerikan në Kosovë, Philip Kosnett, njofton Insajderi.
Kosnett, në një intervistë për emisionin Rubikon, ka thënë se prandaj qytetarët kosovarë s’kanë pse frikohen nga dialogu, apo bisedimet ne Uashington, sepse dëshirat e tyre për vetën, janë edhe dëshirat e Amerikës për ta.
“Qëllimet e Amerikës për Kosovën janë qëllimet e njëjta që populli i Kosovës ka për vete. Raporte me te mirë ma fqinjët, raporte me të mira në mes të komuniteteve këtu. Zhvillim ekonomik, jo veç investime të huaja, por edhe zhvillim të biznesit privat këtu. Qytetarët nuk duhet të kenë frikë nga zhvillimet e reja, e kuptojmë se mund të jenë nervoz por status quoja në Kosovë nuk është e qëndrueshme”, ka pohuar Kosnett./Insajderi.com
