Lëvizja Vetëvendosje ka propozuar një rezolutë në Kuvend me anë të së cilës kërkon, pos tjerash, zgjedhje të reja, të cilat do të prodhonin një qeveri të re, Insajderi.
Qeveria e re sipas Vetëvendosjes do të kishte legjitimitetin e plotë të dialogonte me Serbinë, pasi do buronte nga populli.
Por, me 31 vota për, 60 kundër dhe një abstenim, deputetët nuk e votuan rezolutën e Lëvizjes.
Rezoluta kishte katër pika gjithsejtë, përveç shkuarjes në zgjedhje, kërkonte edhe ritheksim të karakterit unitar dhe të paprekshëm të Kosovës, jo bisedime për shkëmbim territorial në mes Kosovës e Serbisë dhe miratimin e një platforme për dialog./Insajderi.com