Pas bllokimit të telekomit ka reaguar ministri, Bleirm Kuçi.
Ministri i Ekonomisë dhe Ambinetit, Blerim Kuçi është deklaruar rreth situatës në Telekomin e Kosovës.
Kuçi ka thënë se do të punohet në lidhje me gjetjen e një zgjidhjeje.
Kjo është deklarata e plotë e ministrit Blerim Kuçi:
Gjatë ditës së sotme keni mundur të lexoni në medie rreth bllokimit të llogarive bankare të Telekomit të Kosovës.
Ky bllokim natyrisht që na shqetësuar dhe i gjithë kabineti im po merret intensivisht me institucionet relevante për të gjetur zgjidhje.
Filli i kësaj situate që po ndodhë sot është në vitin 2016, kur operatori ekonomik “Dardafon.net” ka fituar në Tribunalit Ndërkombëtarë të Arbitrazhit, aty ku i është njohur e drejta për përmbarim të borxhit.
Tashmë kemi një vendim të Gjykatës Themelore të Prishtinës që urdhëron përmbarim, mirëpo jam i bindur që do të arrijmë më të mirën e mundshme. Ne kemi azhornuar takimet dhe besojmë në zgjidhje.
Ftoj punëtorët e Telekomit dhe akterët tjerë të jenë racionalë në deklarata dhe veprime. /Insajderi.com/
