Ministri i Arsimit dhe Shkencës në republikën e Maqedonisë së veriut, Arbër Ademi është infektuar me COVID-19. Këtë e ka bërë të ditur ministri në rrjetin social Facebook.
“Të dashur miq, familjarë dhe bashkëpunëtorë. Ju njoftoj se pas disa simptomave të lehta mbrëmë dhe dyshimeve se mund të jem infektuar me COVID-19, kam bërë testin e që fatkeqësisht kam rezultuar pozitiv”, ka shkruar ai.
“Apeloj tek të gjithë ju që maksimalisht t’i respektoni protokollet për të mirën e shëndetit tuaj dhe të afërmve në përgjithësi. Dëshiroj të gjitha të mirat për juve dhe familjet e juaja!”, ka shkruar Ademi./Insajderi.com
