Tre persona kanë vdekur dhe 181 raste të reja me Covid-19, janë shënuar brenda 24 orëve të fundit në Kosovë.
Në njoftimin e përditshëm të Institutit Kombëtar të Shëndetësisë Publike (IKSHPK), bëhet e ditur se përveç këtyre shifrave, janë shëruar edhe 125 pacientë të cilët ishin të infektuar deri më sot.
Rastet e reja pozitive vijnë nga 22 komuna të Kosovës, prej të cilave edhe gjatë kësaj dite prin Prishtina, e pasuar nga komuna e Prizrenit, Podujevës dhe Gjilanit.
“Rastet pozitive janë nga: komuna Prishtinë 87 raste, komuna Prizren 13 raste, komuna Podujevë 12 raste, komuna Gjilan 11 raste, komuna Lipjan 9 raste, komuna Drenas 8 raste, komuna Viti 8 raste, komuna Fushë Kosovë 7 raste, komuna Obiliq 6 raste, komuna Ferizaj 3 raste, komuna Rahovec 3 raste, komuna Suharekë 3 raste, komuna Shtime 2 raste dhe me nga një rast komunat Dragash, Graçanicë, Han i Elezit, Klinë, Kllokot, Malishevë, Mitrovicë, Skenderaj dhe Vushtrri”, thuhet në njoftimin e IKSHPK-së.
