Shërbimi Spitalor Klinik dhe Universitar ka ndarë një shumë prej 210 mijë euro për shërbime funerale të të vdekurve nga Coronavirusi, njofton Insajderi.
Siç bëhet e ditur në njoftimin për dhënien e kontratës së publikuar në faqen zyrtare të Komisionit Rregullativ të Prokurimit Publik, është bërë me dije se kohëzgjatja e kontratës është për 12 muaj.
Për këtë tender kanë aplikuar tri kompani, por që fituese është shpallur kompania Blerim Nreci B.I.
Kontrata është dhënë më 7 gusht, derisa nënshkrimi është bërë sot.
“Çdo palë e interesuar mund të bëjë ankesë pranë Autoritetit Kontraktues në bazë të nenit 108/A te ligjit Nr. 04/L-042 për Prokurimin Publik të Republikës se Kosovës, i ndryshuar dhe plotësuar me ligjin Nr. 04/L-237, ligjin Nr. 05/L-068 dhe ligjin Nr. 05/L-092 ne adresën e specifikuar ne Nenin I të këtij Njoftimi për dhënie te kontratës”, thuhet në njoftim. /Insajderi.com/
