Të premten në Ferizaj, për shkak të zbatimit të masave anti-COVID, dy qytetarë u përleshën me dy zyrtarë të policisë.
Dy qytetarët u arrestuan pastaj janë dërguar për paraburgim në burgun e Mitrovicës Veriore.
Drejtori i Shërbimit Korrektues të Kosovës, Nehat Thaçi, e ka konfirmuar këtë për klan Kosova.
“Mund të konfirmojë se dy sulmuesit e policëve të ngjarjes në Ferizaj, janë dërguar për vuajtje të dënimit në burgun e Mitrovicës Veriore”.
“Sa i përket përzgjedhjes së burgut mund të them që edhe ky është burg i Republikës së Kosovës dhe nuk ka asgjë për të shtuar rreth kësaj”, deklaroi Thaçi.
I gjithë problemi besohet se filloi kur policët u kërkuan që E.G dhe E.E të vendosin maskat. /Insajderi.com/