Marko Gjuriq, anëtar i delegacionit serb në dialog ka deklaruar të dielën në Bruksel se delegacioni i Serbisë, “me shtysë pozitive nga suksesi në Uashington”, tani do të nxisë fuqishëm çështjen e zbatimit të marrëveshjes për Asociacionin e Komunave me shumicë serbe në Kosovë, njofton Insajderi.
Këtë deklaratë Gjuriq e ka bërë pas takimit të presidentit të Serbisë, Aleksandar Vuçiqit me të dërguarin e posaçëm të BE-së për dialog, Miroslav Lajçak dhe zv. ndihmës Sekretarin e Shtetit dhe përfaqësuesin e posaçëm për Ballkanin, Matthew Palmer.
Tutje, Gjuriq ka thënë se “natyrisht që është biseduar edhe rreth bashkëpunimit ekonomik”.
Ai, në intervistën për kanalin televiziv serb Pink ka deklaruar se do të shfrytëzohet shtysa pozitive, e krijuar në bisedimet e përmbyllura në Uashington./Insajderi.com
