Emisari i Bashkimit Evropian për dialogun Kosovë-Serbi, Miroslav Lajçak, është deklaruar pas përfundimit të takimit të sotëm mes delegacionit të Kosovës dhe atij të Serbisë në Bruksel, njofton Insajderi.
Duke mos dhënë shumë detaje, Lajçak tha që është konfirmuar se çështjet e diskutuara janë të ndjeshme dhe komplekse.
“Sapo përfundoi bisedimet e sotme me kryenegociatorët Maroku Gjuriq dhe Skënder Hyseni mbi pretendimet e përbashkëta financiare dhe pronën. Diskutimet tona konfirmuan kompleksitetin dhe ndjeshmërinë e çështjes”, ka thënë Lajçak me anë të një postimi në Twitter.
Just finished today’s talks with the chief negotiators @markodjuric and Skender Hyseni on mutual financial claims and property. Our discussions confirmed the complexity and sensitivity of the issue. To be continued. pic.twitter.com/h50JfX6AjJ
— Miroslav Lajčák (@MiroslavLajcak) September 17, 2020
Nga ana tjetër, Gjuriq ka deklaruar para mediave serbe se ai bashkë me delegacionin e tij kanë insistuar për hapjen e temës së Asociacionit të Komunave me Shumicë Serbe, por tha se kjo u kundërshtua nga përfaqësuesit e Prishtinës. /Insajderi.com