Sot pritet të mbajë mot me vranësira të çrregullta dhe intervale me diell, njofton Insajderi.
Kështu thonë nga Instituti Hidrometeorologjik i Kosovës, të cilët tutje bëjnë të ditur se përveç së premtës, edhe dita e parë e fundjavës pritet të jetë njësoj.
Temperaturat minimale do të lëvizin ndërmjet 11-13 gradë Celsius, ndërsa maksimalet e ditës parashihen të lëvizin ndërmjet 24-27 gradë Celsius.
Indeksi UV mbetet mesatar deri i lartë. Do të fryjë erë mesatare deri e fort nga drejtimi i verilindjes, shpejtësia maksimale, parashihet të arrijë mbi 17 m/s.
Për shkak të qarkullimit të madh të masave ajrore, nëpër territore të kufizuara mund të ketë reshje afatshkurta të përcjellura me bubullimë, kurse reshje me intensitet të lartë parashihen në jugun e Shqipërisë të përcjellura me stuhi edhe përgjatë kufijve të Shqipërisë jugore. /Insajderi.com
