Kryeministri në detyrë, Ramush Haradinaj, hodhi akuza të forta ndaj liderit të Vetëvendosjes Albin Kurti duke thënë që është e padrejtë të mos krijohej qeveria sepse nuk respektohet vota e qytetarit.
Në një emison të Top Chanel-it Haradinaj është pyetur se a do të bëhej pjesë e koalicionit me LDK-në nëse i kalon mandatari pas 11 ditë.
“Në qoftë se do të kemi një ftesë nga LDK-ja unë do i përgjigjem pozitivisht ftesës për të biseduar. Por duhet thënë se ka gjasa që qeveria të formohet. Vetëvendosja dhe LDK-ja e kanë shumicën dhe mund ta formojnë qeverinë”, ka thënë Haradinaj.
Kryeministri në detyrë u pye edhe për mundësinë e një PAN-i të dytë, ku tha se kjo nuk mund të ndodhë më.
“Në qoftë se PAN-i do kishte hy në zgjedhje do kishte fituar. Nuk ka mundësi për një PAN të dytë”, shtoi ai.
Shiko edhe:
