“Ne kemi një shumicë të ngushtë, por shumicë funksionale. Kur vjen puna tek presidenti, aty është lojë tjetër, diskutim tjetër. Ne e kemi kandidatin tonë, shpresojmë se të gjithë do të reflektojnë për shkak se për rrethanat që jemi është personi më konkurrues dhe më i mirë në këtë temë…nuk është punë e heqjen dorë, ose punë e një parimi, ne kemi pasur një votim, mendojmë se kryetari Haradinaj do të bënte një punë të mirë në këto rrethana të vështira”.
Këto ishin fjalët e zëvendës-kryeministrit të Kosovës, Besnik Tahiri, në një prononcim për KosovaPress.
Ai shprehu vendosmërinë e Aleancës për Ardhmërinë e Kosovës që posti i presidentit t’i takoj kryetarit të këtij subjekti politik, Ramush Haradinajt.
Ndryshe, AAK kishte shpallur kandidaturën e Haradinajt për president.
Ndërsa, nënkryetari i Lidhjes Demokratike të Kosovës, Lutfi Haziri, ka thënë se “Isa Mustafa duhet të jetë president”.
Mandati i presidentit skadon më mars të vitit të ardhshëm. Kush do të jetë presidenti i ardhshëm vazhdon të jetë çështje e diskutueshme.
Por, përfundimi i mandatit të Hashim Thaçit është ende i paqartë për shkak të aktakuzës së pakonfirmuar nga Gjykata Speciale. /Insajderi.com
